teri har baat mohabbat mein gawara kar ke
dil ke bazar mein baithe hain khasara kar ke

aate jate hain kai rang mere chehre par
log lete hain maza zikr tumhaara kar ke [...]

kash hasil ho haqiqi zindagi ka ek din
sarkhushi ka ek lamha ya khushi ka ek din

kar diya hai shorish-e-alam ne diwana mujhe
hai bisat-e-dahr wahshat-nak virana mujhe [...]

miyan tu hum se na rakh kuchh ghubar holi mein
ki ruthe milte hain aapas mein yar holi mein

machi hai rang ki kaisi bahaar holi mein
hua hai zor-e-chaman aashkar holi mein [...]

ab ki holi mein raha be-kar rang
aur hi laya firaq-e-yar rang

surkh-ru kar de sharab aai bahaar
hai khizan se zard ai khummar rang [...]

ab ke baras phagun mein kisi se aisi kheli holi sakhi
prit ke pakke rang se jis ne rang di man ki choli sakhi

darpan se jab nain mile to rah gai main bhi dang
prit se us ki aur hua tha sundar mukh ka rang [...]

rangin fazaon mein hai masrur ki holi
apne hi pasine se hai mazdur ki holi

har rang mein ham-rang raho rang yahi hai
dil dil se milen hai yahi jamhur ki holi [...]